Après nos amis' Démon (Charles Malissart), Piére Canète (Edmond Clerbois), T. Chtè (Adolphe Sturbois), Zidaur (Isidore Colin) èyèt Albert Jarry, no bon Vî-Stou s'in va in important nos pus grands r'grèts èyèt no vivante amitiè. Dèspus in p'tit temps, nos suivines tout rèyus' lès progrès d'ène maladîye qui n'dèvoût nî-n pardoner. Quand nos avons yeû seû l'fatale nouvèle, maugrè qu'nos d'vines nos y atinde, nos avons sintu nos coeurs dè Mouchoneûs s'dèskirer. Pou nous-autes, c'ît in pére. Nos avons pinsè d'saluer dign'mint s'mémoire, in li consacrant no présint limèrô. Nos astons seûrs què tous nos lijeus in sèront contints. EL REDACTION |
Iie COUPLETDju vi'ns co toute inscoubaréeVos mette au courant dou mouv'mint. Nos avons fait in assimblée C'esst'arrindgî, on est contint. Dins l'temps quand on astoùt servante, On travailloùt à s'fait mori, Mais ça va candgî dju m'in vante Vos virèz çà sans long courri. |
REFRAINNos avons fait in syndicatVraimint comme les hommes dè mestî Nos madames n'aval'rons nî çà, Mais c'esst' à printe ou à léchî Nos madames n'aval'rons nî çà, Mais c'esst' à printe ou à léchî |
IIe COUPLETTravaillî huit heûres par djournéeC'est c'què nos r'clam'rons sans rèpi. Huit heûres dè r'pos tout d'affilée Eyè huit z'autres pou no plaisi. Nos n'volons pus du tout fait l'bwée I a des laveuses pou c'nouvrâdge là Nos d'mandons à iesse bi'n couchée In lit à r'sours, in bon mat'las. (Au R'frain) |
IIIe COUPLETTous les diminces, nette comme buzetteI faut, tout d'suite après l'dinner Què no povisse fait no toilette Eyè nos in daller prom'ner Si y a des effants difficiles Nos n'astons ni servante pou tout, Nos n'pourrons mau d'nos fait des bîles On perdra n'bonne qui f'ra comme nous. (Au R'frain) |
IVe COUPLETNos n'volons pus dins no cuisineQuè madame vènisse mette es nèz Nos n'mind'jrons pus dè l'margarine I faut dou suc dins nos cafè Si l'tâpe des maîtes est bi'n chervie Dèvant d'leu porter l'prumie plat El meilleuze part s'ra pour Marie Pou s'n'amateur elle lè wardra. (Au R'frain) |
Quoted from: El' Mouchon d'Aunias, Revue Wallonne, La Littérature patoisante - La Chanson - Le Folklore du Centre, Vingt èy eunième anéye, fèviè 1932, pp. 1 & 15.